Gufunesvegur 25 – Demolition, tender no. 16368

Til baka Gufunesvegur 25 – Niðurrif, útboð nr. 16368 Númer: 16368 Útboðsaðili: Reykjavíkurborg Tegund: Framkvæmd Útboðsgögn afhent: 12.11.2026 kl. 14:30 Skilafrestur 23.11.2026 kl. 10:00 Opnun tilboða: 23.11.2026 kl. 10:00 F.h. Umhverfis- og skipulagssviðs Reykjavíkurborgar er óskað eftir tilboðum í eftirfarandi verk: Gufunesvegur 25 – Niðurrif, útboð nr. 16368. Lauslegt yfirlit yfir verkið: Verkið felst í niðurrifi skemmu við Gufunesveg 25, 112 Reykjavík. Rífa skal alla bygginguna og farga úrgangi með tilheyrandi hætti. Núverandi hús er 1.139 m2 og var upprunalega byggt árið 1955 en þá var þetta birgðageymsla fyrir Áburðarverksmiðjuna hf. Skemman er í eigu Reykjavíkurborgar en kvikmyndarframleiðslufélagið Truenorth hafði verið með hana í leigu síðan febrúar 2024. Meðal annars var að finna leikmuni í skemmunni en hún brann í janúar 2026. Húsið er steinsteypt á einni hæð og er óeinangrað. Þakið er úr stálgrind og klætt bárujárni en lítið stendur eftir af ysta byrði þakins. Rífa þarf niður og fjarlægja allt húsnæðið ásamt því að grófjafna jörð og fylla í grunn. Innifalið í niðurrifi er öll byggingin, það er helst botnplata, útveggir, þakvirki, hillukerfi úr stáli og allt það sem brann inni í byggingunni. Flokka skal úrgang og spilliefni samkvæmt byggingarreglugerð nr. 112/201 og flokkunarreglum viðurkennds móttökuaðila. Verktaki skal einnig fylgja fyrirmælum og ábendingum frá Heilbrigðiseftirliti Reykjavíkur (sjá fylgisskjal 1). Ekki er gert ráð fyrir asbesti í byggingunni en komi til þess að asbest finnist í húsnæðinu skal verktaki hætta vinnu við niðurrif og upplýsa eftirlitsmann verkkaupa og Heilbrigðiseftirlit Reykjavíkur. Metið verður hvort senda þurfi sýni til greiningar eða ef sannarlega er um asbest að ræða verður það fjarlægt eins og lög kveða á um. Áður en niðurrif á asbesti hefst skal tilkynna það til Vinnueftirlitsins. Sé staðfest að asbest sé í byggingu verður tilboðsverð bjóðenda endurskoðað með tilliti til þess. Náist ekki ásættanleg niðurstaða um endurskoðun á verk- og kostnaðaráætlun verður framkvæmdin boðin út að nýju með breyttum forsendum. Húsnæði verður ótengt við veitukerfi áður en verktaki kemur að niðurrifinu. Verkkaupi hefur lokað húsnæði og er það hluti af niðurrifi að fjarlægja lokanir af gluggum og hurðum. Áætluð lok framkvæmdatíma: 30. desember 2026 Vettvangsskoðun: 16. nóvember 2026 kl. 11:00, á verkstað. Útboðsgögn verða eingöngu aðgengileg á útboðsvef Reykjavíkurborgar á vefslóðinni: http://utbod.reykjavik.is – frá kl. 14:30: þann 12. nóvember 2026. Hægt er að breyta tungumáli vefsíðunnar með því að velja „Íslenska“ í flettiglugganum neðst til vinstri. Nýskráning fyrirtækja hefst með því að smella á „Nýskráning“Vakin er athygli á að senda verður fyrirspurnir í gegnum útboðsvef Reykjavíkurborgar. Fyrirspurnum sem berast með öðrum hætti verður ekki svarað. Tilboðum skal skila með rafrænum hætti á framangreindan útboðsvef Reykjavíkurborgar eigi síðar en: Kl. 10:00 þann 23. nóvember 2026. Ekki verður haldinn formlegur opnunarfundur, sjá má niðurstöðu á vefslóðinni https://reykjavik.is/opnun-tilboda Skoða nánar